Back

የአሜሪካ ጸረ-ሚሳኤል በደቡብ ኮሪያ በተጠንቀቅ ላይ ነው

[ኦሬቴድ 24-08-09 ] የአሜሪካ የጦር ሃይል ቃል አቀባይ እንደገለጹት ታድ የተሰኘው የአሜሪካ ጸረ-ሚሳኤል ደቡብ ኮሪያ ልሳነ ምድር የደረሰ ሲሆን ከሰሜን ኮሪያ የሚሰነዘረውን የሚሳኤል ጥቃት በመመከት ደቡብ ኮሪያን ይከላከላል ብለዋል፡፡

ሰሜን ኮሪያ በተደጋጋሚ የሚሳኤል ሙከራ ማድረጓን ተከተሎ የአሜሪካ የባህር ሃይል ወደ አካባቢው በመገስገሱ በቀጠናው ውጥረት ከቀን ወደ ቀን እየጨመረ መጥቷል፡፡

ቢቢሲ እንደዘገበው ሰኞ እለት ሁለት የአሜሪካ ቦንብ ጣይ አውሮፕላኖች ከደቡብ ኮሪያ የአየር ሃይል በጋራ ልምምድ ማድረጋቸው ታውቋል፡፡

ጸረ-ሚሳኤሉ ኢላማውን አነጣጥሮ የሚመታና ለሌሎችም በአቅራቢያ የሚገኙትን ነገሮች ሁሉ የሚያወድም እንደሆነ ይታመናል፡፡

ሰሜን ኮሪያ ባለፊት ሳምንታት ሁለት የሚሳኤል ሙከራዎችን አድርጋ እንደከሸፈባት የሚታወቅ ሲሆን በማንኛውም ጊዜ ስድስተኛውን የኒውክለር ሙከራ ለማድረግ ዝግጁ መሆኗን አስታውቃለች፡፡ ቢቢሲ