Back

የግብአትና የገበያ እጦት ለብረታብረትና ኢንጂነሪንግ ዘርፍ አለማደግ ምክንያት መሆኑ ተገለፀ

OBN መጋቢት 26፣2011  በብረታብረትና ኢንጂነሪንግ ዘርፍ የሚስተዋለው የግብአትና የገበያ እጦት ለዘርፉ አለማደግ ምክንያት እንደሆነ የብረታብረትና ኢንዱስትሪ ልማት ኢንስቲትዩት ገልጿል።

ተዛማጅ የትምህርት ዝግጅት የሌላቸው ድጋፍ ሰጪ ሰራተኞች በዘርፉ መመደባቸው እና የብድር እጦትም ችግሩን ማባባሳቸው ተጠቁሟል፡፡

ኢንስቲትዩቱ ከየክልሉና ከተማ አስተዳደሮች ከተውጣጡ የዘርፉ ተዋናዮች ጋር በዘርፉ በሚስተዋሉ ችግሮች ዙሪያ ውይይት አድርጓል።

በየደረጃው ውጤታማ የሆነ የድጋፍ ሰጪ አደረጃጀትን በማረጋገጥ የግሉ ዘርፍ እንዲሳተፍበት ማድረግ ከመንግስት የሚጠበቅ መፍትሔ ነው ተብሏል፡፡

በመመሪያ ተደግፎ የብድር አቅርቦትን ማሳደግና የመስሪያ ቦታን ማስፋፋትም ሌላው በመንግስት በኩል መተግበር ያለበት የቤት ስራ መሆኑም ተጠቁሟል።

በኢንስቲትዩቱ በኩል ደግሞ የክህሎት ክፍተቶችን በስልጠና መሙላት፣ የገበያ ትስስር ችግሮችን በጥናት መፍታት እና በዘርፉ ለተሰማሩ አካላት ቅድሚያ በመስጠት መደገፍ እንደሚያስፈልግ ተጠቅሷል።

ኢንስቲትዩቱ በ2017 በአፍሪካ ቀዳሚ እና በዓለም አቀፍ ደረጃ ተወዳዳሪ የሆነ የብረታብረትና ኢንጂነሪንግ ኢንዱስትሪ ለመገንባት እቅድ አውጥቶ እየተንቀሳቀሰ እንደሚገኝ  መገለጡን ኢቢሲ በዘገባው አስፍሯል