Back

ቀዳማዊት እመቤት ዝናሽ ታያቸው በጋምቤላ ለሚገነባው 2ኛ ደረጃ ትምህርት ቤት የመሠረት ድንጋይ አስቀመጡ

OBN ግንቦት 012011   ቀዳማዊት እመቤት ዝናሽ ታያቸው በጋምቤላ ከተማ በ20 ሚሊዮን ብር ለሚገነባው ሁለተኛ ደረጃ ትምህርት ቤት ዛሬ የመሠረት ድንጋይ አስቀመጡ።

ቀዳማዊት እመቤቷ በከተማው ትምህርት ቤቱን የሚያስገነቡት በጋምቤላ ክልል የትምህርት ሽፋንን በተለይም የሴቶችን የትምሀርት ተሳትፎ ለማሳደግ መሆኑን በዚህ ወቅት ተናግረዋል።

ትምህርት ቤቱ በአጭር ጊዜ ውስጥ ጊዜ ተገንብቶ አገልግሎት እንዲሰጥ ጥረት ይደረጋል ብለዋል።

ጽህፈት ቤታቸው ተመሳሳይ ችግር ባለባቸው ሌሎች አካባቢዎችም ትምህርት ቤቶቹን እንደሚገነባም ወይዘሮ ዝናሽ አስታውቀዋል።

የጋምቤላ ብሔራዊ ክልላዊ መንግሥት ርዕሰ መስተዳድር አቶ ዑሞድ ዑጁሉ በበኩላቸው ቀዳማዊት እመቤቷ በክልሉ ትምህርት ቤቱን ለመገንባት በመነሳሳታቸው ምስጋናቸውን አቅርበዋል።

ትምህርት ቤቱ ሥራ ሲጅምር በክልሉ ያለውን የሁለተኛ ደረጃ ትምህርት ቤቶች እጥረት የተደራሽነት ችግር እንደሚያቃልለው ተናግረዋል።

ቀዳማዊት እመቤት ዝናሽ በተለያዩ ክልሎች ሁለተኛደረጃ ትምህርት ቤቶችና በአዲስ አበባ ከተማ የዓይነ ስውራን ለማቋቋም የመሠረት ድንጋይ ማስቀመጣቸው ይታወሳል።

ምንጭ፦ ኢዜአ