Back

ሳውዲ አረቢያ ለውጭ አገር ዜጎች አዲስ የመኖሪያ ፈቃድ ልትሰጥ ነው ተባለ

OBN ግንቦት 052011  የሳውዲ የሹራ ምክር ቤት ለውጭ አገር ዜጎች አዲስ የመኖሪያ ፈቃድ እንዲሰጥ በመደገፍ ድምጽ የሰጠ ሲሆን መንግስት ካጸደቀው ፈቃዱ ተግባራዊ ይሆናል ተብሏል፡፡

የመኖሪያ ፈቃዱ ጥብቅ የሆኑ ቢሮክራሲዎችን በማስቀረት በስደተኝነት ሥርዓቱ ላይ ያሉ በርካታ ውስብስብ ችግሮችን ለመፍታት ያስችላል ተብሏል፡፡

አዲሱ የመኖሪያ ፈቃድ "ባለ ልዩ መብት ኢቃማ" በመባል የሚታወቀው ሲሆን ሀሳቡ የተነሳው በልዑል መሐመድ ቢን ሰልማን ከ3 ዓመታት በፊት እንደሆነ ተነግሯል፡፡

ማንኛውም የውጭ አገር ዜጋ የሚያስፈልገውን ክፍያ ከፈጸመ የመኖር፣ የመስራትና የራሱን ንግድ የማካሄድ እንዲሁም ሀብት የማፍራት መብት ይኖረዋል ተብሏል፡፡

ፈቃድ የሚያገኙ ሰዎች በየዓመቱ የሚታደስ ወይም ቋሚ የመኖሪያ ፈቃድ እንዲሰጣቸው መጠየቅ ይችላሉ ተብሏል፡፡

አዲሱ የመኖሪያ ፈቃድ ለውጭ አገር ዜጎች ዜግነት እንደሚሰጥና በማንኛውም ጉዳይ ላይ እኩል መብት እንደሚያጎናፅፍ ተነግሯል፡፡

የመንግስት ባለስልጣናት ለአረብ ኒውስ እንደገለጹት አዲሱ የመኖሪያ ፈቃድ ረቂቅ ሕግ ሊፀድቅ የካቢኔ ማረጋገጫ ብቻ ይቀረዋል፡፡

ምንጭ፡- አረብ ኒውስ