Back

በ‘ገበታ ለሸገር’ ላይ ለመሳተፍ በርካታ ድርጅቶችና ግለሰቦች ክፍያ በመፈፀም ላይ ናቸው

OBN ግንቦት 052011  በ‘ገበታ ለሸገር' የእራት ምሽት ላይ ለመሳተፍ በርካታ ድርጅቶችና ግለሰቦች ክፍያ በመፈፀም ላይ መሆናቸውን የጠቅላይ ሚኒስትር ፅህፈት ቤት አስታውቋል።

ፅህፈት ቤቱ የፊታችን ግንቦት 11 ለሚካሄደው የእራት ምሽት ፕሮግራም እስከ አራተኛ ዙር የተሳተፉ ድርጅቶችንና ግለሰቦች ይፋ አድርጓል።

በዚህ መሰረትም በአንደኛው ዙር 34 ፥ በሁለተኛው ዙር 20፣በሶስተኛው ዙር 39 እንዲሁም በአራተኛው ዙር 12 ድርጅቶች የሚጠበቅባቸውን ክፍያ መፈፀማቸው ታውቋል።

እስካሁን በዝግጅቱ ለመሳፈተፍ ክፍያ ለፈፀሙ ድርጅቶች ምስጋና ያቀረበው ፅህፈት ቤቱ፥በዝግጅቱ ላይ መሳተፍ የሚፈልጉ ድርጅቶች በተዘጋጀው የንግድ ባንክ አካውንት ገንዘብ ያስገቡበትን ካርኒ ቅጂ በ sheger@pmo.gov.et ላይ ኢሜይል በማድረግ ተሳትፏቸውን እንዲያረጋግጡ ጠይቋል።

‘ገበታ ለሸገር' በኢፌዴሪ ጠቅላይ ሚኒስትር ዶክተር አብይ አህመድ ሀሳብ አመንጪነት የፊንፊኔን ወንዞች ዳርቻዎችን እና ሌሎች ተያያዥ መናፈሻዎችን ለማልማት ይፋ የተደረገውን ፕሮጀክት ለመደገፍ ገንዘብ ለማሳሰብ የተዘጋጀ ነው።

ሸገርን ማስዋብ ፕሮጅክት በሚል የ29 ቢሊየን ብር ፕሮጀክት ይፋ መደረጉ የሚታወስ ነው።

ከተማዋን ለሁለት ከፍለው የሚፈሱ ወንዞች ላይ ያተኮረው ፕሮጀክቱ፥ ከሰሜን ፊንፊኔ  እንጦጦ ተራራ እስከ አቃቂ ወንዝ ያለውን 56 ኪሎ ሜትር እንደሚሸፍንም ታውቋል።

ፕሮጀክቱ በሶስት አመታት ውስጥ ይጠናቀቃል ተብሎ ይጠበቃል።