Back

ፈረሶች የሰዎችን ስሜት ማንበብ እንደሚችሉ

የካቲት 2፣ 2008

ፈረሶች ደስተኛና የተናደደ የሰው ስሜትን ከፊት ገጹ ማንበብ እንደሚችሉ በጥናት ተረጋገጠ፡፡

የተለያየ የፊት ስሜትን የሚያሳዩ የወንድ ፎቶግራፎችን በመጠቀም በተሰራ ሙከራ ለማዳ ፈረሶች የተበሳጨ ስሜት ለሚያሳዩት ፎቶዎች አሉታዊ ምላሽ እንዳላቸው ለማረጋገጥ ተችሏል፡፡

ፈረሶች ከሰው ልጆች ጋር መላመዳቸው የሰው ባህሪ ትርጉምን እንዲረዱ ሳያስችላቸው እንዳልቀረ አጥኝዎቹ ገልፀዋል፡፡

28 ለማዳ ፈረሶችን የሰው ምስሎችን በማሳየት የተደረገው ጥናት ውጤት በስነ-ህይወት ህትመቶች ላይ ወጥቷል፡፡

ከአጥኝዎቹ አንዷ የሆነችው ኤሚ ስሚዝ ለፈረሶቹ ምስሉን አንድ ሰው እያሳየ ሌላኛው ደግሞ ፈረሱን በመያዝ ጥናቱ እንደተካሄደ ገልፃለች፡፡  

ፈረሶቹ የተበሳጨ የሰው ምስል በግራ አይናቸው የሚመለከቱ ሲሆን የአጥቢ እንስሳት አእምሮ በግራ አይን የሚመጣ መልእክትን በቀኝ የአእምሮ ክፍል እንደሚረዳ ኤሚ ገልፃለች፡፡   

ቀኙ የአእምሮ ክፍል አሉታዊ የሆኑ መልእክቶችን ለመረዳት የሚያስችል ሲሆን አእምሮአችን ስራን የሚከፋፈልበትም አንዱ መንገድ እንደሆነ ተገልጿል፡፡

አጥኝዎቹ የፈረሶቹን የልብ ምትን በሚቆጣጠር መሳሪያ ፈረሶቹ የተበሳጨ ምስል ሲመለከቱ የልብ ምታቸው እንደሚፈጥን አረጋግጠዋል፡፡

በውሾች ላይ በተደረገ ተመሳሳይ ጥናትም የቤት እንስሳት ከሰው ልጅ ጋር በመኖራቸው የሚፈጠርባቸው ስሜት ላይ ጥያቄ እንዲያጭር አድርጓል፡፡    

ምንጭ፡ ቢቢሲ