Back

ኩባ የጎግል አገልግሎቶችን በፈጣን ኢንተርኔት ማግኘት የሚያስችል ስምምነት ተፈራረመች

 

[04 04 2009] የኩባ ቴሌኮሙዩኒኬሽን ኩባንያ ኢቴስካ የጎግል አገለግሎቶችን በፍጥነት ማግኘት የሚያስችል ስምምነት ከጎግል ጋር ተፈራርሟል።

የጎግል እህት ድርጅት አልፋቤት ሊቀመንበር ኢሪክ ሽሜድ እና የኢቴስካ ፕሬዚዳንት ማይራ አሬቪች ማሪን ስምምነቱን በሀቫና ተፈራርመዋል።

በስምምነቱ መሰረት የአሜሪካው ግዙፍ የቴክኖሎጂ ኩባንያ እንደ ጂሜል እና ዩትዩብ ያሉ አገልግሎቶችን በፈጣን ኢንተርኔት እንዲያገኙ ለማስቻል በኩባ ሰርቨሮችን የሚገጥም ይሆናል።

በዚህም ኩባውያን በተለይም የዩትዩብ ቪዲዮዎችን በፍጥነት እንዲመለከቱ ይደረጋል ተብሏል።

Cuba_signs_deal_for_faster_internet_access_to_Google_content1.jpg

ጎግል እና ኢቴስካ ከስምምነት የደረሱት የአሜሪካው ፕሬዚዳንት ባራክ ኦባማ ስልጣን ማብቂያ የመጨረሻ ሳምንታት ላይ ነው።

ስምምነቱ ቀጣዩ የአሜሪካ ፕሬዚዳንት ዋሽንግተን በኩባ ዙሪያ የምታራምደውን ፖሊሲ ሊቀይሩ ይችላሉ የሚል ግምት እንዲሰጥ አድርጓል።

የቀድሞዎቹ የቀዝቃዛው ጦርነት ተፋላሚዎች አሜሪካ እና ኩባ የሁለትዮሽ ግንኙነት ከግማሽ ምዕተ አመት በኋላ በያዝነው የፈረንጆቹ አመት 2016 በፕሬዚዳንት ባራክ ኦባማ አማካኝነት መታደሱ ይታወቃል።

ተመራጩ የአሜሪካ ፕሬዚዳንት ዶናልድ ትራምፕም የዋሽንግተን እና ሀቫናን ግንኙነት ለማሳደግ እንደሚሰሩ ገልፀዋል።

ኩባ የኢንተርኔት አገልግሎት አቅርቦት በጣም ዝቅተኛ ከሆነባቸው የአለም ሀገራት አንዷ መሆኗ ይነገራል።

 

 

ምንጭ፦ ቢቢሲና ኤፍ.ቢ.ሲ