Back

ኢንዶኔዢያ ውስጥ በሥራ ጫና ከ270 በላይ የምርጫ ቆጣሪዎች ሞቱ

OBN ሚያዚያ  212011  ኢንዶኔዢያ ውስጥ የሚሊዮኖችን የምርጫ ወረቀቶች ለረጅም ሰዓታት ሲቆጥሩና መረጃ ሲያጠናቅሩ የነበሩ ከ270 በላይ የምርጫ ጣቢያ ሠራተኞች ከከባድ ድካም ጋር በተያያዘ ሕይወታቸው ማለፉን ባለስልጣናት ገልጸዋል።

የምርጫ ኮሚሽኑ ቃል አቀባይ የሆኑት አሪፍ ፕሪዮ ሱሳቶ እንደገለጹት ከዚሁ ጋር በተያያዘ ተጨማሪ 1878 ሠራተኞች በጽኑ ታመዋል።

ሚያዚያ ዘጠኝ የተካሄደውን የምርጫ ሂደት የሚከታተሉና ቆጠራ የሚያካሂዱ ሰባት ሚሊየን ሰዎች የተመረጡ ሲሆን ሌሊትን ጨምሮ ለረጅም ሰዓታት በታፈነ ሙቀት ውስጥ ይሰሩ ነበር።

260 ሚሊየን ህዝብ ባላት ኢንዶኔዢያ ወጪ ለመቀነስ ሲባል ፕሬዝዳንታዊ ምርጫና የክልል ፓርላማ አባላት ምርጫ ለመጀመሪያ ጊዜ በአንድ ላይ መደረጉ ሰራተኞቹ ላይ ከባድ የሥራ ጫና እንዲፈጠር ማድረጉ ተገልጿል።

80 በመቶ የሚሆነው የሃገሪቱ 193 ሚሊየን ህዝብ በ800 ሺ የምርጫ ጣቢያዎች በመገኘት ድምጹን ሰጥቷል።

የሃገሪቱ የምርጫ ኮሚሽን እንዳስታሰወቀው በስራ ምክንያት ሕይወታቸው ላለፉት ሠራተኞች ቤተሰብ ካሳ ለመክፈል የታሰበ ሲሆን እያንዳንዱ ቤተሰብ 2500 ዶላር (36 ሚሊየን የኢንዶኔዢያ ሩፒ) የሚያገኝ ይሆናል። ይህ ደግሞ የሠራተኞቹ የአንድ ዓመት ደሞዝ እንደማለት ነው።

ምንም እንኳን እስካሁን ባለው ውጤት የአሁኑ ፕሬዝዳንት ጆኮ ዊዶዶ እስከ አስር በመቶ በሚደርስ ልዩነት እየመሩ ነው ቢባልም የተቃዋሚ ፓርቲ መሪው ፕራቦዎ ሱቢያንቶ ገና ከወዲሁ ማሸነፋቸውን እየገለጹ ነው።

ቢቢሲ እንደዘገበው አጠቃላይ የምርጫ ውጤቱም ግንቦት 14 ለህዝብ ይፋ እንደሚደረግ ይጠበቃል።