Back

በሴካፋ ሻምፒዮና ሉሲዎቹ ከታንዛንያ አቻ ተለያዩ

 

 
 
 

 [ኦ.ሬ.ቴ.ድ 6 01 2009] የኢትዮጵያ ሴቶች ብሔራዊ ቡድን (ሉሲዎቹ) በምሥራቅና መካከለኛው አፍሪካ የእግር ኳስ (ሴካፋ) ሻምፒዮና ዛሬ ሁለተኛውን የምድብ ጨዋታቸውን ከታንዛንያ ጋር አድርገዋል።

ጨዋታው 0 ለ 0 በመጠናቀቁም ምድቡን በመምራት ወደ ቀጣዩ ዙር የሚያልፈው ቡድን በእጣ ተለይቷል።

በዚህም ታንዛንያ በእጣ የምድብ ለ ቀዳሚ ሆና አጠናቃለች።

ኢትዮጵያ በግማሽ ፍጻሜው ኬንያን ትገጥማለች፡፡

በመጀመሪያ የምድብ ጨዋታ ኢትዮጵያ እና ታንዛንያ በተመሳሳይ ውጤት 3 ለ 2 ማሸነፋቸው የሚታወስ ነው።

ሩዋንዳ ሁለቱንም ጨዋታዎች በመሸነፏ ከውድድሩ ውጭ መሆኗም አይዘነጋም።

የሴቶች የሴካፋ ሻምፒዮና እ.ኤ.አ ከ1986 በኋላ ዘንድሮ የመጀመሪያው ይሆናል። በወቅቱ አስተናጋጇ ዛንዚባር የዋንጫ ባለቤት መሆኗ ይታወሳል።

የሴካፋ አባል አገሮች 12 ቢሆኑም፤በዘንድሮው የሴቶቹ ሻምፒዮና በመካፈል ላይ የሚገኙት ሰባት አገሮች ብቻ ናቸው።

ሱዳን፣ ደቡብ ሱዳን፣ ጅቡቲ፣ ሶማሊያና ኤርትራ በሻምፒዮናው የማይካፈሉ አገሮች ናቸው።