Back

በእንግሊዝ ፕሪሚየር ሊግ ቶተንሀም ከማንችስተር ሲቲ የሚያደርጉት ፍልሚያ ይጠበቃል፡፡

OBN ጥቅምት 192011   በእንግሊዝ ፕሪምየር ሊግ 10ኛ ሳምንት አንድ ቀሪ ጨዋታ ቶተንሀም እና ማንችስተር ሲቲ መካከል የሚደረገው ፉክክር ዛሬ ምሽት በዌምብሌይ ስታዲየም ይደረጋል፡፡

በፕሪሚየር ሊጉ አናት ላይ የተቀመጡት ሁለቱ ቡድኖች የሚያደርጉት ጨዋታ ጠንካራ ፉክክር የሚካሄድበት እንደሆነ የእግር ኳስ ተንታኞች ተናግረዋል፡፡

የቀድሞው እግር ኳስ አሰልጣኝ ሀሪ ሬድናፕ ውብ እግር ኳስ በመጫወት የሚታወቁት ቶተንሃም እና ማንችስተር ሲቲ የሚያደርጉት ፍልሚያ በጋርዲዮላው ቡድን አሸናፊነት ሊጠናቀቅ እንደሚችል ግምታቸውን ሰጥተዋል፡፡

የቀድሞው የአርሰናል ተከላካይ ማርቲን ኪዮን በበኩሉ ከወቅታዊ አቋማቸው አንጻር ዉጤት ሊጋሩ እንደሚችሉ ጠቅሷል፡፡

ማንችስተር ሲቲ የዛሬውን ምሽት ጨዋታ ማሸነፍ ከቻለ ከሊቨርፑል መሪነቱን የሚቀበል ሲሆን ቶተንሀም በአንጻሩ ጨዋታውን በድል ካጠናቀቀ ደረጃውን ከአምስት ወደ ሶስት ከፍ ያደርጋል፡፡

ሊቨርፑል ለጊዜው ፕሪምየር ሊጉን በሀያ ስድስት ነጥብ ሲመራ፤ቸልሲ በሀያ አራት ሁለተኛ፤ማንችስተር ሲቲ በሃያ ሶስት ነጥብ ሶስተኛ፤አርሰናል በሀያ ሁለት ነጥብ አራተኛ፤ቶተንሃም በሀያ አንድ አምስተኛ፤ትላንት ኤቨርተንን ያሸነፈው ማንችስተር ዩናይትድ በአስራ ሰባት ነጥብ ስምንተኛ ደረጃ ተቀምጧል፡፡

በወራጅ ቀጠናው ፍልሀም ኒውካስትል ዩናይትድ፤ሀድርስፊልድ ታውን ከአስራ ስምንት እስከ ሀያ ያለውን የመጨረሻ ደረጃ ይዘዋል፡፡

ሊቨርፖል፤ ቸልሲ እና ማንችስተር ሲቲ እስካሁን ያልተሸነፉ ሲሆን ኒውካስትል አድስፊልድ ታወን ማሸነፍ ያልቻሉ ቡድኖች ናቸው፡፡

ምንጭ፡ቢቢሲ ስፖርት