Back

በእንግሊዝ ፕሪሚየር ሊግ ማንችስተር ሲቲ ቶተንሃምን በማሸነፍ የሊጉ መሪ ሆኗል፡፡

OBN ጥቅምት 202011  በእንግሊዝ ፕሪሚየር ሊግ 10ኛ ሳምንት ትናንት ምሽት በተደረገ አንድ ቀሪ ጨዋታ የአምናው ሻምፒዮን ማንችስተር ሲቲ ከሜዳው ውጪ ቶተንሃም ሆትስፐርን አንድ ለባዶ በመርታት የሊጉ መሪ የሚያደርገውን ውጤት አስመዝግቧል፡፡

ብቸኛዋን የሲቲ የማሸነፊያ ጎል አልጄሪዊው ሪያድ ማህሬዝ ከራሂም ስተርሊንግ የተሻገረለትን ኳስ ከመረብ ላይ አሳርፏል፡፡

በውድድር አመቱ 5ኛ ግቡን ለክለቡ ያስቆጠረው ማህሬዝ በጨዋታው ያስቆጠራት ግብ የግል አውሮፓላናቸው ስታዲየም አቅራቢ በመከስከሷ ሕይወታቸው ላለፈችው የቀድሞ ክለቡ ሌሲስተር ሲቲ ባለቤት ቪቻይ ሲሮቫድሃናራ መታሰቢያ እንድትሆንልኝ ብሏል፡፡

የባለፈው አመት አስደናቂ ብቃቱን ዘንድሮም በሊጉ እየደገመ የሚገኘው ማንችስተር ሲቲ ሊቨርፑልን በግብ ክፍያ በመብለጥ ፕሪሚየር ሊጉን በ26 ነጥብ መምራት ጀምሯል፡፡

የሰሜን ለንደኑ ክለብ ቶተንሃም በ21 ነጥብ አምስተና ደረጃ ይገኛል፡፡

የማንችስተር ሲቲው ክለብ አሰልጣኛ ፔፕ ጉዋርዲዮላ ካደረግናቸው በርካታ የግብ ሙከራዎች በዌምብሌው ግዙፍ ስታዲየም የተደረገውን ጨዋታ ማሸነፍ ይገባናል ብለዋል፡፡

የቶተንሀም አቻቸው ማውሪሲዮ ፖቼቲኖ በበኩላቸው"ታላቅ ጨዋታ ነው፤ለማሸነፍ ጥረት አድርገዋል ባሳየነው እንቅስቃሴ ደስተኛ ነኝ"ብለዋል፡፡ ምንጭ፡ቢቢሲ ስፖርት