Back

በባህርዳር ስታዲየም የተነጠፈው ዘመናዊ የእጅ ኳስ ሜዳ ንጣፍ ተመረቀ

OBN መጋቢት 05፣2011በባህርዳር አለማቀፍ ስታዲየም የተነጠፈው ዘመናዊ የእጅ ኳስ ሜዳ ንጣፍ የአለም አቀፍ እጅ ኳስ ፌዴሬሽን ከኢትዮጵያ ስፖርት ኮሚሽን ጋር በመተበበር የተገነባ መሆኑ ተገልጿል፡፡

የእጅ ኳስ ሜዳው ንጣፍ ለአገራችን በአይነቱ የመጀመሪያው መሆኑን እና ከ2.5 ሚሊዮን ብር በላይ ወጪ እንደተደረገበት የኢፌዴሪ ስፖርት ኮሚሽን ኮሚሽነር አቶ ርስቱ ይርዳው ገልፀዋል፡፡

የኢትዮጵያ እጅ ኳስ ፌዴሬሽን ፕሬዚዳንት አቶ ፍትህ ወልደሰንበት በበኩላቸው ስፖርቱን ለማሳደግ ዘመናዊ የእጅ ኳስ ሜዳ በየአካባቢው እንዲስፋፋና ሳይንሳዊ ስልጠናዎችን በመስጠት ስፖርቱን ወደ ላቀ ደረጃ ለማድረስ የሚያደርገው አስተዎጾ ከፍተኛ መሆኑን ገልፀዋል፡፡

በባህርዳር ከተማ የተነጠፈው ዘመናዊ የእጅ ኳስ ሜዳ ንጣፍ የሃገራችን የእጅ ኳስ ስፖርት ለማሰደግና የተላያዩ ውድድሮችን ለማካሄድ ያለው ፋይዳ ትልቅ መሆኑንና በባህርዳር ከተማም የእጅ ኳስ ስፖርት ለማሰደግና ተተኪ ስፖርተኞችን ለማፍራት እንደሚረዳ በርክክቡ ወቅት ተገልጿል፡፡ መረጃው የኢትዮጵያ እጅ ኳስ ፌዴሬሽን ነው