Back

አራት ሀገራት ለ2019ኙ አፍሪካ ዋንጫ ማለፋቸውን አረጋገጡ፡፡

[OBN  07- 02-2011]    እኤአ 2019 ምዕራብ አፍሪካዊቷ ሀገር ካሜሩን ለምታስተናግደው የአፍሪካ ዋንጫ ማጣሪያ ጨዋታቸውን እያደረጉ ከሚገኙ ሀገራት መካከል አራቱ አስቀድመው ከየምድባቸው ማለፋቸውን አረጋግጠዋል፡፡ ሴኔጋል፤ግብጽ፤ቱኒዚያ እና ማዳጋስካር የያውንዴውን ትኬት የቆረጡ ሀገራት ሆነዋል፡፡ ማዳጋስካር በምድቧ የምትገኘው ኢኳቶሪያል ጊኒን አንድ ለምንም በመርታት በታሪኳ ለመጀመሪያ ጊዜ ለአፍሪካ ዋንጫ ማለፏን አስቀድማ ያረጋገጠች ሀገር መሆኗ ይታወሳል፡፡ ለውድድሩ ያለፉት እነዚህ ሀገራት በቀጣዩ አመት የተሳታፊ ቡድኖች ቁጥር ከ16-24 ባደገበት የ2019ኙ አፍሪካ ዋንጫ ቀደም ብለው አልፈዋል፡፡ ካሜሩን የውድድሩ አስተናጋጅ በመሆኗ አምስተኛዋ የአፍሪካ ዋንጫ ተፋላሚ ትሆናለች፡፡ ለአፍሪካ ዋንጫ ለመጀመሪያ ጊዜ ያለፈችው ማዳጋስካር በውድደሩ ላይ እስከ ዛሬ ከተሳተፉ የተለያዩ የአህጉሪቱ ብሄራዊ ቡድኖች 40ኛዋ መሆን ችላለች፡፡ ምንጭ፡ቢቢሲ ስፖርት