Back

በ26ኛው ሳምንት የኢትዮጵያ ፕሪሚየር ሊግ ቅዱስ ጊዮርጊስ መሪነቱን ያጠናከረበትን ውጤት አስመዝግቧል።

 [ኦሬቴድ 24-08-09]  9 ሰአት ላይ በፋሲለደስ ስታዲየም አርባምንጭ ከተማን ያስተናገደው ፋሲል ከነማም 2 ለ 0 በሆነ ውጤት አሸንፏል።

አሰልጣኝ ዘማርያም ወልደጊዮርጊስን ያሰናበተው ፋሲል በምንተስኖት ጌጡ እየተመራ ወደ ሜዳ ገብቶ በአቤል ያለው እና ኤፍሬም አለሙ ጎሎች አሸንፎ ወጥቷል።

ከቅዱስ ጊዮርጊስ ጋር አንድ ተስተካካይ ጨዋታ ያለው ፋሲል ከነማ ከአዳማ ከነማ በአምስት ነጥብ ዝቅ ብሎ በ38 ነጥብ 6ኛ ደረጃ ላይ ተቀምጧል።

ትላንት 10 ሰአት ላይ ደግሞ ሁለት ጨዋታዎች የተጀመሩ ሲሆን፥ መሪው ቅዱስ ጊዮርጊስ እና ወልደያ ከተማ አሸንፈዋል።

በአዲስ አበባ ስታዲየም ሀዋሳ ከተማን የገጠሙት ፈረሰኞቹ በሳላዲን ሰይድ ብቸኛ ግብ ሶስት ነጥብ ይዞ ወጥቷል።

ከሜዳው ውጭ ድሬዳዋ ከተማን የገጠመው ወልዲያ ከተማ በበኩሉ ኤሚክሪል ቤሊንጌ እና አንዱአለም ንጉሴ ባስቆጠሯቸው ሁለት ግቦች 2 ለ 0 አሸንፏል።

ፕሪሚየር ሊጉን ቅዱስ ጊዮርጊስ በ49 ነጥብ ሲመራ፣ ሲዳማ ቡና በ46፣ ደደቢት በ45፣ ኢትዮጵያ ቡና እና አዳማ ከተማ በእኩል 43 ነጥብ እስከ 5ኛ ያለውን ደረጃ ይዘዋል።

ኢትዮጵያ ንግድ ባንክ በ24 እንዲሁም አዲስ አበባ ከተማ በ19 ነጥብ በወራጅ ቀጠናው ውስጥ ይገኛሉ።

ኮከብ ግብ አግቢነቱን ጌታነህ ከበደ በ19 ጎሎች ሲመራ ሳላዲን ሰየድ በ14፣ ጃኮ አራፋት፣ ፍፁም ገብረማርያም እና አዳነ ግርማ በእኩል 11 ጎሎች ይከተላሉ።(ኤፍ.ቢ.ሲ)