Back

በ43ኛው የዓለም አገር አቋራጭ ሻምፒዮና ለሚሳተፈው ቡድን አሸኛኘት ተደረገለት

OBN መጋቢት 17፣2011 በ43ኛው የዓለም አገር አቋራጭ ሻምፒዮና ላይ ኢትዮጵያን የሚወክለው የልዑካን በአራራት ሆቴል ደማቅ አሸኛኘት ተደርጎለታል።

የቀድሞ አትሌቶች፣ ከፍተኛ የመንግስት የሥራ ኃላፊዎች እና የስፖርት ቤተሰቡ በተገኙበት ቡድኑ ተሸኝቷል።

የኢትዮጵያ አትሌቲክስ ፌዴሬሽን ፕሬዝዳንት ኮሎኔል አትሌት ደራርቱ ቱሉ በመልካም ምኞት መልእክቷ የአገር አቋራጭ ውድድር መገለጫችን በመሆኑ በ43ኛው ሻምፒዮናም ቡድኑ ውጤታማ ይሆናል ብላ እንደምታምን አስታውቃለች።

የኢትዮጵያ ኦሎምፒክ ኮሚቴ ፕሬዝዳንት ዶ/ር አሸብር ወ/ጊዮርጊስ በበኩላቸው ውጤታማ ስትሆኑ መንግስት ማበረታቻውን በሚሊዮኖች ሊያሳድግ እንደሚችል አረጋግጠዋል።

የኢትዮጵያ አትሌቲክስ ፌዴሬሽን መረጃ እንደሚሳየው በዚህ ሥነ ስርዓት ላይ የሰንደቅ ዓላማ የአደራ ርክክብ ተደርጓል።